عايزة احكيلكم قصة بنت كانت عندها مشاكل
حبت تحكيها لمامتها لكن فين الام؟
الام في الشغل بترجع يا دوب تعملهم الاكل و تزاكرلها بليل و تنام
البنت مش لاقية مامتها عشان تسمعها و تتكلم معاها
راحت لاصحابها الي تعرفهم
لكن فين الاصحاب؟
كل واحدة عندها مشاكلها و كلهم خبرات قليلة
مفيش اي خبرات تساعد في حل المشاكل
كده يظهر حاجة من الاتنين
يا اصدقاء السوء الي هيستغلوا ان البنت دي اللى عايزة حد يسمعلها
و يحتووها و يضموها لهم
هنا بقي يبدا موضوعنا
فين الام ؟ المدرسة الي بتعلم ولادها فين؟
في الشغل بتجيب فلوس
طب دلوقتي بعيدا عن الام الي جوزها متوفي و بتصرف هي علي البيت
تروح للام دي تلاقيها بتشتغل تقولك مساواه و بضيع وقت
كلهم بيخرجوا الصبح و انا قاعدة لوحدي
كانت صدفة اتكلمت قبل كده عن عمل المراة بصفة عامة و كانت برده رافضاة المبدا
انا هنا جايه الفت الاضواء علي جزء في الموضوع ده
و هو عمل الام
سيبك من البنت و سيبك من الزوجة و اهتمامها بالزوج
خلينا في الام اللى ليها بنات و ولاد عايزين يتربوا و يتعلموا
و مصدر تعليمهم الاول الام
واحدة هتطلع تقولي و فين الاب؟
الاب دوره يشتغل و اخر اليوم مع ولاده و معاكي
انتي مش مطلوب منك تشتغلي انتي مطلوب منك تربي ولادك
تعلميهم و تسمعيلهم و تشوفي بيفكروا ازاي و تعرفيهم الصح من الغلط
في امهات تقولك المساواه بين الولد و البنت و الرجل و المراة
لما ولادك يضيعوا هتقولي المساواه برده؟
ربك لما يسالك علي ولادك هتقوليله كنت بطبق المساواه؟
الشعب المصري من الشعوب الي بتحب تطبق الجديد بصورة عمياء
موضة طريقة اغاني طريقة لبس حتي الديانات
و المساواه كانت حاجة جديدة طرقت علينا من زمن
طبقناها بمزاجنا و وصلت ان اولاد و بنات بيضيعوا عشان امهم بتشتغل
و في الاخر هي مساواه
انا ضد عمل المراة عامة و ضد عمل الام خاصة و بشدة
بدل ما تنزلي تشتغلي بحجة ضياع الوقت
او حتي بحجة اثبات الذات
وفري وقتك انك تسمعي ابنك او بنتك و تحليلهم مشاكلهم
اثبتي ذاتك في بيتك
ما هو صاحب بالين كداب
اصل لو انتي محلتهيش امشاكل ولادك
غيرك هيحلها
و يا عالم
هيحلها بخير و لا بشر .
كده الموضوع خلص و مستنيه ارائكم